[دار الفلاحي


دار الفلاحي يوم جينا مسايير
كن النفل والمسك نفحة هواها

يعلها وبل الوسامي مباكير
ويسيل في سبع المناطق ثراها

توجيه زايد منبع الطيب والخير
شيد على روس الطوال وبناها

مشى على منهج سياسة وتطوير
هدف على نظرة بعيد ٍِ مداها

فجر ينابيع الوعر والدعاثير
حتى عكس لون الطبيعة سماها

ياكبر معروفة على الشعب والغير
واللي سكن في ديرته وحتواها

الشيخ زايد مايهاب المخاسير
تنفق يمينه مايوقف عطاها

عنده خبر أن الليالي مدابير
تقبل علينا ثم تعطي قفاها

مرحوم يازبن الوجيه المسافير
عون الضعوف اللي يروع بكاها

لبست عليه احداد عوج المناقير
شقر الحرار اللي سموه نقاها

تبكي عليه مسودسات المسامير
الخيل من عقبه تزايد عثاها

لو تتبع زايد طوال المشابير
مسيرة ٍ تصعب على من مشاها

زايد معاهد كاملات المنابير
تشرح علوم ٍ كايد ٍ مستواها

معنى التواضع والكرم والتباشير
والطيب والحكمة لزوم ٍ معاها

شرع قصور ٍ بالعلا والمزابير
ملفى الدخيل اللي يدور ذراها

مامات من خلف رجال ٍمشاهير
روس الحرار اللي يذكر نباها

بعده خليفة صفقوا له جماهير
صفق له الجمهور ثم اعتلاها

عرش البلد حافه بزين التدابير
شل الأمانة بحتمال وخذاها

والمدح في شيخ ٍ يقود الطوابير
محمد المشهور درع ٍ وقاها

شيخ ٍ يذكر لي مثل سالم الزير
كبد ٍ يدسمها وكبد ٍ جفاها